2024-03-14

არასრულწლოვნების პერსონალური მონაცემების დაცვის შესახებ რეკომენდაციები გამოქვეყნდა

---

გიზიარებთ რეკომენდაციას, რომელიც სამსახურმა არასრულწლოვნების პერსონალური მონაცემების დამუშავების შესახებ მოამზადა.

https://newadmin.personaldata.ge/wp-content/uploads/2024/03/არასრულწლოვნების-პერსონალური-მონაცემების-დამუშავების-შესახებ.pdf

აღსანიშნავია რომ ახალი კანონი „პერსონალურ მონაცემთა დაცვის შესახებ“ არასრულწლოვნების პერსონალური მონაცემების დამუშავების სპეციალურ სტანდარტს ადგენს. კანონის მე-7 მუხლით მოწესრიგებულია არასრულწლოვნის შესახებ მონაცემთა დამუშავებაზე თანხმობის გაცემის წესი და პირობები. კანონის თანახმად, დამუშავებისთვის პასუხისმგებელი პირი ვალდებულია, გაითვალისწინოს და დაიცვას არასრულწლოვნის საუკეთესო ინტერესები.

რეკომენდაცია მომზადებულია „პერსონალურ მონაცემთა დაცვის შესახებ“ საქართველოს კანონის ნორმატიული შინაარსისა და საერთაშორისო სტანდარტების, მათ შორის, „მონაცემთა დაცვის ევროპული საბჭოს“ (“EDPB”) სახელმძღვანელო რეკომენდაციების ანალიზის საფუძველზე და ასევე, ეყრდნობა პერსონალურ მონაცემთა დაცვის სამსახურის მიერ მომზადებულ კვლევას: „არასრულწლოვანთა პერსონალური მონაცემების დაცვა — თეორია და პრაქტიკა“ .

https://newadmin.personaldata.ge/wp-content/uploads/2024/01/არასრულწლოვანთა-პერსონალურ-მონაცემთა-დაცვა-თეორია-და-პრაქტიკა.pdf

გაიდლაინი ღიაა რეკომენდაციებისა და მოსაზრებებისთვის და იგი განახლდება პერიოდულად.

გთხოვთ, გამოგზავნეთ წინადადებები და კომენტარები შემდეგი ელექტრონული ფოსტის მისამართზე: Guideline@pdps.ge

უკვე გამოქვეყნებული რეკომენდაციები: https://personaldata.ge/ka/recommendations