2024-03-20

,,პერსონალურ მონაცემთა დაცვის შესახებ“ ახალი კანონით გათვალისწინებული ცვლილებების შესახებ შეხვედრა ქ. გორში ჩატარდა

,,პერსონალურ მონაცემთა დაცვის შესახებ“ ახალი კანონით გათვალისწინებული ცვლილებების შესახებ შეხვედრა ქ. გორში ჩატარდა.

შეხვედრას შიდა ქართლის მხარის სახელმწიფო რწმუნებულის ადმინისტრაციისა და გორის, კასპის, ქარელის, ხაშურის თვითმმართველობებში (მერია/საკრებულო) პერსონალურ მონაცემთა დაცვის მიმართულებით დასაქმებული შესაბამისი პასუხისმგებელი პირები დაესწრნენ.

შეხვედრას ასევე ესწრებოდნენ: შიდა ქართლის მხარის სახელმწიფო რწმუნებულის მოვალეობის შემსრულებელი - სიმონ გულედანი და გორის მუნიციპალიტეტის საკრებულოს თავმჯდომარე - დავით რაზმაძე.

„პერსონალურ მონაცემთა დაცვის შესახებ“ ახალი კანონით გათვალისწინებული სიახლეები დამსწრე აუდიტორიას პერსონალურ მონაცემთა დაცვის სამსახურის საჯარო სექტორის ზედამხედველობის დეპარტამენტის უფროსმა - ქეთევან კრაწაშვილმა, გეგმური ინსპექტირების დეპარამენტის უფროსმა - სოფიო შამუგიამ და სამართალდამცავ ორგანოებზე ზედამხედველობის დეპარტამენტის უფროსმა - ია ყიფიანმა გააცნეს.

მომხსენებლებმა კანონით გათვალისწინებული ცვლილებები დეტალურად განიხილეს. მათ შორის, საჯარო სექტორში დასაქმებულ პირებს წარუდგინეს რეკომენდაციები საჯარო დაწესებულებებისთვის ახალ კანონთან თავსებადობის მიზნით შიდაუწყებრივი სამართლებრივი აქტების გამოცემის/ განახლების თაობაზე.

შეხვედრა ინტერაქციულ რეჟიმში წარიმართა და დამსწრე საზოგადოებას საშუალება ჰქონდა, დეტალური ინფორმაცია მიეღო მათთვის საინტერესო საკითხებზე.

შეგახსენებთ, რომ პერსონალურ მონაცემთა დაცვის შესახებ ახალი კანონის ძირითადი ნაწილი ძალაში 2024 წლის 1 მარტს შევიდა. სიახლეების გაცნობის მიზნით სამსახური საჯარო თუ კერძო დაწესებულებებისთვის, ასევე მონაცემთა დაცვის საკითხებზე დაინტერესებული პირებისთვის, სხვადასხვა ფორმატის გამოყენებით ტრენინგებს აგრძელებს.