2023-10-26

პერსონალურ მონაცემთა დაცვის სამსახური აჭარაში არსებული ყველა უმაღლესი სასწავლებლის სტუდენტებისთვის სტატიების კონკურსს აცხადებს

---

პერსონალურ მონაცემთა დაცვის სამსახური აჭარაში არსებული ყველა უმაღლესი სასწავლებლის სტუდენტებისთვის სტატიების კონკურსს აცხადებს. თემა: პერსონალური მონაცემების დაცვა როგორც ადამიანის საყოველთაოდ აღიარებული უფლება. კონკურსის მიზანია სტუდენტების თემით დაინტერესება, პერსონალურ მონაცემთა დაცვის მიმართულებით საზოგადოების ცნობიერების ამაღლება. კონკურსში მონაწილეობის პირობები და შეფასების კრიტერიუმები: 

• ერთ მონაწილეს შეუძლია ერთი სტატიის წარმოდგენა;
• სტატია საქართველოში პერსონალურ მონაცემთა დაცვის აქტუალური საკითხების შესახებ მსჯელობასა და ანალიზს უნდა შეიცავდეს;
• წარმოდგენილი სტატია უნდა იყოს ქართულ ენაზე;

• სტატია უნდა დაიწეროს სპეციალურად ამ კონკურსისთვის;
• მასში გამოთქმული მოსაზრებები არ უნდა იყოს დისკრიმინაციული, შეურაცხმყოფელი და არ უნდა არღვევდეს საქართველოს მოქმედი კანონმდებლობით დადგენილ წესებსა და აკრძალვებს;

• სტატიაში მოცემული ანალიზი უნდა ეკუთვნოდეს ავტორს. პლაგიატის აღმოჩენის შემთხვევაში, კონკურსანტის ნაშრომი აღარ შეფასდება;
• არ მიიღება სტატიები, რომელიც უკვე გამოქვეყნებულია;
• სტატიასთან ერთად წარმოდგენილი უნდა იყოს სტუდენტის სტატუსის დამადასტურებელი ცნობა;

  სტატიის სტრუქტურა:  - სათაური - თავფურცელი, სადაც მითითებული იქნება პირადი ინფორმაცია (კონკურსანტის სახელი და გვარი) - აბსტრაქტი და საკვანძო სიტყვები - შესავალი - ძირითადი ნაწილი - დასკვნა - ბიბლიოგრაფია   სტატიის ტექნიკური მახასიათებლები:  - ნაშრომი წარმოდგენილი უნდა იყოს ვორდის დოკუმენტში - გვერდების რაოდენობა: 5-7 გვერდი (ტექსტი, გრაფიკებისა და დანართების გარეშე) - ფონტი: Sylfaen, ზომა - 12 - ველებს შორის დაშორება - 1.15 - გვერდის მინდორი:  Normal   სტატიის მომზადებისას იხელმძღვანელეთ წარმოდგენილი ციტირების აკადემიური სტანდარტით - ციტირების-სახელმძღვანელო-სტანდარტი  საუკეთესო 3 სტატიის ავტორი დაჯილდოვდება პლანშეტებით. სტატიები გამოქვეყნდება პერსონალურ მონაცემთა დაცვის სამსახურის საინფორმაციო ბიულეტენში მატერიალური ფორმით და განთავსდება სამსახურის ოფიციალურ ვებ-გვერდსა და სოციალურ ქსელებში. ნამუშევრები მიიღება 1 ნოემბრიდან - 30 ნოემბრის ჩათვლით. ნაშრომების გამოგზავნა შესაძლებელია მხოლოდ ელექტრონულად შემდეგ ელ-ფოსტაზე: articles@pdps.ge გამოგზავნისას მეილის სათაურში (Subject-ველი) მიუთითეთ „პერსონალური მონაცემების დაცვა, როგორც ადამიანის საყოველთაოდ აღიარებული უფლება“. გამარჯვებულ ნაშრომებს გამოავლენს კომისია და ავტორები 10 დეკემბერს - ადამიანის უფლებათა დაცვის საერთაშორისო დღესთან დაკავშირებული კვირეულის ფარგლებში დაჯილდოვდებიან.