2024-09-03

ინფორმაცია ავსტრალიის მთავრობის მიერ გამოქვეყნებული “ხელოვნური ინტელექტის პასუხისმგებლიანი გამოყენების პოლიტიკის დოკუმენტის“ შესახებ

---

ავსტრალიის მთავრობამ განაახლა ხელოვნური ინტელექტის პასუხისმგებლიანი გამოყენების შესახებ პოლიტიკის დოკუმენტი[1], რომელიც ძალაში პირველი სექტემბრიდან შევა.[2]

პოლიტიკის დოკუმენტი სამი ნაწილისგან შედგება და აყალიბებს  პრინციპებს ხელოვნური ინტელექტის გამოყენების შესახებ.

პოლიტიკის დოკუმენტის პირველი ნაწილი ეხება მომზადებას და დახმარების გაწევას, კერძოდ:

• ხელოვნური ინტელექტის მიღებისა და გამოყენებისათვის ნათელი და მკაფიო ანგარიშვალდებულებების ჩამოყალიბებას;
•  ანგარიშვალდებული პირების იდენტიფიცირებას.

 სტანდარტის თანახმად ანგარიშვალდებულმა პირებმა უნდა: [3]

• აიღონ პასუხისმგებლობა პოლიტიკის გატარების მიმართულებით;
• შეატყობინონ ინფორმაციული ტრანსფორმაციის სააგენტოს, როდესაც ხელოვნური ინტელექტის გამოყენება მაღალი რისკის შემცველია;
• მთავრობის წევრებთან კონტაქტის შენარჩუნება და კოორდინაცია, ფორუმებში და ღონისძიებებში მონაწილეობის მიღება;
• ხელოვნურ ინტელექტთან დაკავშირებულ ახალ მოთხოვნებთან შესაბამისობა.

დოკუმენტის მეორე ნაწილი განიხილავს ანგარიშვალდებულ პირთა პასუხისმგებლობის საკითხს.

ანგარიშვალდებული პირების პასუხისმგებლობაა:

 

•  პროპორციული და მიზანზე მორგებული რისკის შემცირების მეთოდების გამოყენება;
• ხელოვნური ინტელექტის გამჭვირვალე გამოყენება და დაინტერესებული საზოგადოებისათვის შესაბამისი ინფორმაციის მიწოდება;
• გამჭვირვალობის განაცხადის გამოქვეყნება ხელოვნური ინტელექტის გამოყენებასთან დაკავშირებით (2025 წლის მარტიდან).

პოლიტიკის დოკუმენტის მესამე ნაწილი  განვითარებაზე და გაერთიანებაზეა ორიენტირებული და მიმოიხილავს შემდეგ საკითხებს:

• ხელოვნური ინტელექტის გამოყენების განხილვა და შეფასება;
• პროექტის მართვის პროცესში უკუკავშირის მექანიზმების განვითარება.