2023-06-28
პერსონალურ მონაცემთა დაცვის სამსახურის უფროსი - ლელა ჯანაშვილი ფერმერთა ასოციაციის თავმჯდომარეს - ნინო ზამბახიძეს და ასოციაციის დირექტორს თამარ თორდიას შეხვდა.
შეხვედრას პერსონალურ მონაცემთა დაცვის სამსახურის უფროსის პირველი მოადგილე - ოთარ ჩახუნაშვილი, მოადგილე - გელა გელაშვილი, უწყების სხვა თანამშრომლები და ფერმერთა ასოციაციის წარმომადგენლები ესწრებოდნენ.
ლელა ჯანაშვილმა სტუმრებს პერსონალურ მონაცემთა დაცვის სამსახურის მანდატი, ფუნქციები და საქმიანობა გააცნო. 
შეხვედრაზე საუბარი შეეხო კერძო სექტორში პერსონალური მონაცემების დამუშავების კუთხით არსებულ გამოწვევებს და დაიდენტიფიცირებულ პრობლემებს. ასევე, კომპანიების მხრიდან იმ ორგანიზაციული და ტექნიკური ზომების მიღების საკითხს, რომელიც მათ კანონმდებლობით აქვთ დაკისრებული, ხაზი გაესვა კერძო დაწესებულებებში მონაცემთა დაცვის კულტურის დანერგვის მნიშვნელობასაც.
ფერმერთა ასოციაციის ხელმძღვანელთან და სხვა წარმომადგენლებთან შეხვედრაზე დაიგეგმა სამომავლო თანამშრომლობის საკითხებიც. პერსონალურ მონაცემთა დაცვის სამსახური გამოთქვამს მზაობას, საკონსულტაციო რეჟიმში ასოციაციას სრული დამხარება გაუწიოს.
პერსონალურ მონაცემთა დაცვის სამსახური მსგავს ფორმატში შეხვედრებს მომავალშიც აქტიურად გააგრძელებს.
„პერსონალურ მონაცემთა დაცვის შესახებ“ ახალი კანონით გათვალისწინებული ცვლილებების შესახებ ტრენინგი სახელმწიფო სერვისების განვითარების...
პერსონალურ მონაცემთა დაცვის სამსახურის უფროსი, თბილისის სახელმწიფო უნივერსიტეტის იურიდიული ფაკულტეტის ასოცირებული პროფესორი ლელა ჯანაშვილი ბარსელონის...
პერსონალურ მონაცემთა დაცვის სამსახურის თანამშრომლებმა ხორვატიის რესპუბლიკის საზედამხედველო ორგანოს (AZOP) პერსონალურ მონაცემთა დაცვის ოფიცერთან - მარი...
,,პერსონალურ მონაცემთა დაცვის შესახებ“ ახალი კანონით გათვალისწინებულ ცვლილებებთან დაკავშირებით ეროვნული არქივის თანამშრომლებისთვის ტრენინგ...
+995 32 242 1000
office@pdps.ge
