2024-06-28
პერსონალურ მონაცემთა დაცვის სამსახურის თანამშრომლებმა საქართველოს ეროვნულ ბანკში დასაქმებულ 60-მდე პირს ორი დღის განმავლობაში ტრენინგები ჩაუტარეს.
საგანმანათლებლო ხასიათის შეხვედრის ფარგლებში სამსახურის თანამშრომლებმა მსმენელებს მიაწოდეს დეტალური ინფორმაცია „პერსონალურ მონაცემთა დაცვის“ შესახებ კანონით გათვალისწინებული სიახლეების, მონაცემთა კანონიერად დამუშავებისთვის გასათვალისწინებელი გარემოებების, მონაცემთა სუბიექტების უფლებების უზრუნველსაყოფად გასატარებელი ზომების, პერსონალურ მონაცემთა დაცვის ოფიცრის დანიშნულების, მისი საქმიანობის სპეციფიკის, მონაცემთა უსაფრთხოებისთვის საჭირო ორგანიზაციულ-ტექნიკური ზომების და სხვა იმ საკითხების შესახებ, რაც ეროვნული ბანკის საქმიანობის ფარგლებში საჭიროა პერსონალური მონაცემების დასაცავად.
შეხვედრებმა ინტერაქტიულ რეჟიმში ჩაიარა. სამსახურის თანამშრომლებმა ამომწურავად უპასუხეს ყველა იმ შეკითხვას, რომელიც ეროვნული ბანკის იურიდიული, ადამიანური რესურსების მართვის, მომხმარებელთა უფლებების დაცვის, ინფორმაციული უსაფრთხოების და სხვა მიმართულების სტრუქტურული ერთეულების, ასევე, პრეზიდენტის აპარატის, თანამშრომლებს ჰქონდათ იდენტიფიცირებული, ყოველდღიური საქმიანობებიდან გამომდინარე.
„პერსონალურ მონაცემთა დაცვის შესახებ“ ახალი კანონით გათვალისწინებული ცვლილებების შესახებ ტრენინგი სახელმწიფო სერვისების განვითარების...
18 დეკემბერს, ანკარაში, პერსონალურ მონაცემთა დაცვის სამსახურისა და თურქეთის პერსონალურ მონაცემთა დაცვის საზედამხედველო ორგანოს სამუშაო შეხვედრა გაიმარ...
პერსონალურ მონაცემთა დაცვის სამსახურის თანამშრომლებმა ხორვატიის რესპუბლიკის საზედამხედველო ორგანოს (AZOP) პერსონალურ მონაცემთა დაცვის ოფიცერთან - მარი...
,,პერსონალურ მონაცემთა დაცვის შესახებ“ ახალი კანონით გათვალისწინებულ ცვლილებებთან დაკავშირებით ეროვნული არქივის თანამშრომლებისთვის ტრენინგ...
+995 32 242 1000
office@pdps.ge
