2025-02-13

სამსახურის წარმომადგენლებმა სტუდენტებთან საინფორმაციო შეხვედრა გამართეს

---

პერსონალურ მონაცემთა დაცვის სამსახურმა, ივანე ჯავახიშვილის სახელობის თბილისის სახელმწიფო უნივერსიტეტის (თსუ) , ქართულ ამერიკული უნივერსიტეტის (GAU), საქართველოს ეროვნული უნივერსიტეტის (სეუ) და გრ. რობაქიძის სახელობის  უნივერსიტეტის  სტუდენტებთან საინფორმაციო შეხვედრა გამართა.

შეხვედრაზე საუბარი შეეხებოდა  პერსონალურ მონაცემთა დაცვის მნიშვნელობას, მონაცემთა დამუშავებასთან დაკავშირებულ რისკებსა  და კანონმდებლობის ძირითადი დებულებებს. 

შეხვედრა ინტერაქციულ რეჟიმში წარიმართა. სტუდენტებმა დასვეს შეკითხვები მონაცემთა დამუშავებასთან დაკავშირებული საკითხების შესახებ. 

საინფორმაციო შეხვედრას    სამსახურის პერსონალურ მონაცემთა დაცვის ოფიცერი - თენგიზ მამულია და  ექსპერტი განათლების მიმართულებით - თამარ აბაზაძე უძღვებოდნენ.