2024-04-22

პერსონალურ მონაცემთა დაცვის სამსახურის უფროსმა ლელა ჯანაშვილმა ნიდერლანდების სამეფოს საგანგებო და სრულუფლებიან ელჩთან საქართველოში - მელინე არაკელიანთან შეხვედრა გამართა

---

პერსონალურ მონაცემთა დაცვის სამსახურის უფროსმა ლელა ჯანაშვილმა ნიდერლანდების სამეფოს საგანგებო და სრულუფლებიან ელჩთან საქართველოში - მელინე არაკელიანთან შეხვედრა გამართა.

შეხვედრაზე, ლელა ჯანაშვილმა ელჩს პერსონალურ მონაცემთა დაცვის სამსახურის მანდატი, მისია, საქმიანობა და სამოქმედო სტრატეგიით გათვალისწინებული სამომავლო გეგმები გააცნო. ასევე, ხაზი გაუსვა ახალი კანონის იმპელემენტაციის საკითხს, სამსახურის ინსტიტუციური განვითარების მიზნით განხორციელებულ აქტივობებს და სტრატეგიულ პრიორიტეტებს.

შეხვედრას ასევე ესწრებოდნენ ნიდერლანდების სამეფოს ელჩის პოლიტიკური მრჩეველი ლელა ლომია და სამსახურის საერთაშორისო ურთიერთობების, ანალიტიკისა და სტრატეგიული განვითარების დეპარტამენტის უფროსი ანა თოხაძე.

ანა თოხაძემ წარადგინა პრეზენტაცია, რომლის ფარგლებში მიმოიხილა კანონის იმპლემენტაციის პროცესში საზოგადოების ცნობიერების ამაღლების მიზნით განხორციელებული აქტივობები. ასევე, ისაუბრა იმ საერთაშორისო ფორმატებზე, რომლებშიც სამსახური აქტიურად მონაწილეობს.

თავის მხრივ, მელინე არაკელიანმა სამსახურის საქმიანობა დადებითად შეაფასა და მზაობა გამოთქვა სამომავლოდ სამსახურთან თანამშრომლობის გაღრმავებასთან დაკავშირებით.