2024-06-26

სამსახური შემეცნებითი ლექციების ჩატარებას აქტიურად აგრძელებს

---

საგანმანათლებლო სექტორში პერსონალურ მონაცემთა დაცვის საკითხებზე ცნობიერების ამაღლების მიზნით, სამსახური საინფორმაციო - შემეცნებითი ლექციების ჩატარებას აქტიურად აგრძელებს. 

ამჯერად, შეხვედრები თბილისის N200 N202, N203 და N193  საჯარო სკოლის თანამშრომლებთან  გაიმართა. ხაზგასასმელია , რომ აღნიშნულ სკოლებში განათლებას იღებენ სპეციალური საგანმანათლებლო საჭიროების მქონე მოსწავლეები.

შეხვედრების ფარგლებში, განსაკუთრებული ყურადღება გამახვილდა არასრულწლოვანთა პერსონალური მონაცემების დაცვის მნიშვნელობასა და განსაკუთრებული კატეგორიის მონაცემების დამუშავებაზე, რაც სპეციალური საგანმანათლებლო საჭიროებების მქონე მოსწავლეებით დაკომპლექტებულ  დაწესებულებაში განსაკუთრებულად მნიშვნელოვანია. 

დამსწრე საზოგადოებას განემარტა, რომ განსაკუთრებული კატეგორიის მონაცემთა დამუშავების ცალკეული საფუძვლები ,, პერსონალურ მონაცემთა დაცვის შესახებ“ საქართველოს კანონის, სპეციალური ნორმით არის განსაზღვრული, რომელიც აყალიბებს კანონიერი დამუშავების წინაპირობებს. 

შეხვედრები კითხვა-პასუხის რეჟიმში წარიმართა. დამსწრე საზოგადოებას საშუალება ჰქონდა დეტალური ინფორმაცია მიეღოთ მათთვის საინტერესო საკითხებზე.