2024-12-12

სამსახურისა და ბრაზილიის ეროვნული პერსონალურ მონაცემთა დაცვის საზედამხედველო ორგანოს თანამშრომლებს შორის შეხვედრა გაიმართა

---

11 დეკემბერს,  პერსონალურ მონაცემთა დაცვის სამსახურისა და ბრაზილიის ეროვნული პერსონალურ მონაცემთა დაცვის საზედამხედველო ორგანოს თანამშრომლებს შორის გაცნობითი ხასიათის ონლაინ შეხვედრა გაიმართა.

შეხვედრას ესწრებოდნენ პერსონალურ მონაცემთა დაცვის სამსახურის საერთაშორისო ურთიერთობების, ანალიტიკისა და სტრატეგიული განვითარების დეპარტამენტის უფროსი - ანა თოხაძე, უფროსის აპარატის ხელმძღვანელი - ნიკოლოზ პოპიაშვილი და იურიდიული დეპარტამენტის უფროსი - ლიკა კობალაძე. 

შეხვედრის ფარგლებში განიხილეს  საზედამხედველო ორგანოების კომპეტენციები და მანდატი, ეროვნული კანონმდებლობა, საერთაშორისო თანამშრომლობა და დარგობრივი ტენდენციები. ხაზი გაესვა ხელოვნური ინტელექტის გავლენას პერსონალურ მონაცემთა დაცვაზე, აგრეთვე, სხვადასხვა სექტორში საინფორმაციო ტექნოლოგიების გამოყენებით მონაცემთა დამუშავების აქტუალობას. მხარეებმა ისაუბრეს ერთობლივი აქტივობების დაგეგმვის თაობაზე და საქართველოსა და ბრაზილიის პერსონალურ მონაცემთა დაცვის საზედამხედველო ორგანოებს შორის ურთიერთთანამშრომლობის მემორანდუმის გაფორმების საკითხზე.