2025-04-08

მუნიციპალიტეტების თანამშრომლებისთვის ონლაინ საინფორმაციო შეხვედრა ჩატარდა

---

პერსონალურ მონაცემთა დაცვის სამსახურმა ადგილობრივი თვითმმართველობების გაერთიანებასთან (ათეა) თანამშრომლობით, მუნიციპალიტეტების თანამშრომლებისთვის ონლაინ საინფორმაციო შეხვედრა გამართა.
შეხვედრას 48 მუნიციპალიტეტის 70-მდე თანამშრომელი დაესწრო.

შეხვედრის ფარგლებში, პერსონალურ მონაცემთა დაცვის სამსახურის პერსონალურ მონაცემთა დაცვის ოფიცერმა, თენგიზ მამულიამ, დამსწრე აუდიტორიას მიაწოდა ინფორმაცია პერსონალურ მონაცემთა დამუშავების საფუძვლებისა და პრინციპების შესახებ.  ასევე განიხილა შემდეგი საკითები: ნციდენტის შეტყობინება,  დამუშავებასთან დაკავშირებული ინფორმაციის აღრიცხვა და და მონაცემთა დაცვაზე ზეგავლენის შეფასება. ასევე „პერსონალურ მონაცემთა დაცვის შესახებ“ საქართველოს კანონით გათვალისწინებული სხვა სიახლეები.

შეხვედრა დისკუსიის ფორმატში ჩატარდა და დამსწრე აუდიტორიას საშუალება ჰქონდა მათთვის საინტერესო საკითხებზე დეტალური ინფორმაცია მიეღო.