2025-04-24

პერსონალურ მონაცემთა დაცვის ოფიცრებისთვის 8-დღიანი ტრენინგი ჩატარდა

პერსონალურ მონაცემთა დაცვის ოფიცრებისთვის 7-დღიანი ტრენინგი გაიმართა. ტრენინგის ფარგლებში, მონაწილეებს შესაძლებლობა ჰქონდათ მიეღოთ ცოდნა შემდეგ მნიშვნელოვან საკითხებზე:

•  პერსონალურ მონაცემთა დაცვის ინსტიტუტის ისტორია და სამართლებრივი საფუძვლები, მათ შორის ევროპული კანონმდებლობა;
•  მონაცემთა დამუშავების პრინციპები და სამართლებრივი საფუძვლები;
•  მონაცემთა სუბიექტის უფლებები;
•  მონაცემთა დამუშავებაზე პასუხისმგებელი და უფლებამოსილი პირების ვალდებულებები;
•  მონაცემთა საერთაშორისო გადაცემა და სპეციალური წარმომადგენლის დანიშვნის პროცედურები;
•  პერსონალურ მონაცემთა დაცვის სამსახურის პრაქტიკა;
•  მონაცემთა დამუშავების პროცესის მართვა პერსონალურ მონაცემთა დაცვის ოფიცრის როლში;
•  ქართული და ევროპული ზედამხედველობითი ორგანოების პრაქტიკა.

ტრენინგის მნიშვნელოვანი ნაწილი დისკუსიას დაეთმო, სადაც მონაწილეებს შესაძლებლობა ჰქონდათ განეხილათ მათთვის აქტუალური და პრაქტიკული საკითხები.

სასწავლო კურსს პერსონალურ მონაცემთა დაცვის სამსახურის სხვადასხვა დეპარტამენტის ხელმძღვანელები უძღვებოდნენ, რაც უზრუნველყოფდა როგორც თეორიული, ასევე პრაქტიკული გამოცდილების გაზიარებას.

სამსახური მსგავსი ფორმატის შეხვედრებს მომავალშიც აქტიურად გააგრძელებს.